طلعت نشبه ولا هي عجوله
تاريخ النشر: 28-02-2023
الشعر | غير مصنف
0
3٬482 مشاهدة
بواسطة: إبراهيم القهيدان
جت وكل جيه لها أسباب
وطلعت نشبه ولاهي عيوله
جت وكل جيه لها أسباب
وطلعت نشبه ولاهي عيوله
ابي اصرفها بود وترحاب
نفسي على فرقاها عجوله
قالت انت من الناس جذاب
عندك أسلوب ما احدٍ يطوله
قلت انا من الناس كذاب
اكتب كني بسنين الطفوله
قالت مستحيل تكون نصاب
الصدق عندك افضل عموله
قلت يا بنت وش جاب لجاب
كم واحد بالناس يخفي ميوله
قالت مستحيل تكون لعاب
ميولك نزيه صوله وجوله
مير عندي مشاريه واعتاب
ليه تتبع اللي قفت رحوله
وتترك اللي ظنه فيك ما خاب
وفكره يمك يسرج خيوله
قلت يا بنت ماني للغنادير طلاب
صكيت باب الهوى من زود هوله
الا اللي تجي على شرع وكتاب
هذيك تحتل من الحب دوله
ولا كل حرف تقرين منصاب
ترا أعذب الشعر كذب قوله
ولا يغرك ترتيب حرف وكتاب
ما كل حرف ينرسم يلقا قبوله
::
:
.
0 تعليق